الانتاجية\طرق جعل اليوم انتاجى

 

 

طرق جعل اليوم انتاجى 

فى البداية كدا معنى الكلام عن الانتاجية انه لازم نكون بنعمل الاهم ثم المهم ثم الاقل اهمية وهكذا لحد ما نخلص الشغل وهنعرف ازاى خلال السطور الجاية ومن بعض الخطوات        

1- صلاة الفجر:

من الضرورى فى بداية اليوم نصلى صلاة الفجر ودى حاجة معظم الناس بينسوها على الرغم انها سبب كبير فى الرزق والنجاح فى اليوم وغير كدا انها سبب كبير فى رضا ربنا عننا.....يبقى اوعى تنسى صلاة الفجر😉 .

2- اذكار الصباح:

   اذكار الصباح والمساء مهمة جدااا فى الحياة.... ليه؟ هنا يسعدنى انى اقولك انها تحمى اللى بيقرأها من الحسد والسحر ايوا حقيقى وكمان من الطاقة السلبية والاكتئاب وغيره طيب كدا لازم نقرأها يوميا. 

3- بعد الفجر:

بص لو عايز تنام بعد الفجر دا براحتك بس بعد الفجر بيكون من اجمل الاوقات فى اليوم كله وعن تجربة وكمان لانجاز المهام وكمان الرسول قال ان الوقت ده بيتوزع الارزاق فيه فلو بتذاكر هتلاقى اكبر استيعاب وفهم وتخلص مذاكرة بسرعة ولو المهام المنزلية هتخلص بسرعة.... يعنى احسن الاوقات للعمل وكمان الجديد انه اجمل وقت للجلوس مع النفس وهنتكلم عن ده فى النقطة الجاية 👌 .   

4- الجلوس مع النفس:

تمام اتفقنا من شوية👆 على انك هتقعد مع نفسك شوية....طيب هتعمل ايه فى الوقت ده؟   اول حاجة حدد الوقت مثلا نصف ساعة..... ثانى حاجة انك هتكلم  نفسك شوى كأنها شخص قدامك بجد والله وحاول انك تشوف مميزاتك الاول وبعدها عيوبك اشتغل على مميزاتك وخليها تقاط قوتك واشتغل على عيوبك علشان تقل وهينتج عن ده ثقة بالنفس وسعاه داخلك.

5- القراءة:

معنى انك بتذاكر وحتى بتشتغل ف ده ميمنعش انك تقرأ وتثقف نفسك من الكتب اللى انت حابب تقرأها وركز على انك الكتب اللى بتقرأها تكون بتحبها علشان متملش منها وتبطل تقرأ ومن الكتب اللى عجبتنى لما قرأتها كتاب اربعون وده كتاب جميل جدا وهيخلى نظرتك للحياة تختلف والكتاب الثانى هو كتاب علاقات خطرة وده بيتكلم عن ازاى تفهم نفسك وجسمك وطريقتك فى الحياة والجميل فية انه مكتوب بالمصرى وممكن تخلى وقت القراءة بعد الفجر وحاول انك تظبت مواعيد نومك واستيقاظك من خلال انك تعرف عدد ساعات النوم حسب عمرك.

6-الصلاة:

هنا هنتكلم عن اهم حاجة فى الحياة كلها ألا وهى الصلاة وده علشان تكون بتأدى عماد الدين وكمان يومك يكون مرتب ومنظم وكله نشاط وانتاجية ومهم جداا انك تصلى بعد الاذان على طول تتوضأ وتصلى والمهم انك تصلى بخشوع وبعد الصلاة مهم تقرأ اية الكرسى .

7-وقت الذكر:

ضرورى ان يكون فى يومك وقت للذكر انت محدده من تسبيح وغيره ووقت للقرآن سواء قراءة او حفظ وممكن بردو تخصص من الوقت ده خمس دقائق على الاقل للصلاة على النبى .

8- اوقات لفراغ:

انصحك انك فى وقت فراغك اتعلم حاجة جديدة كنت عايز تتعلمها ومش لاقيلها وقت زى مثلا اتعلم تتكلم انجلش زى الاجانب 😂 او تقرا مجله وممكن تاخدلك ساعة على السوشيال ميديا بس متكترش لان اضرارها اكتر من فوايدها وممكن تخرج انت وصحابك او انت وعيلتك او تجرب هواية جديدة ليك زى الرسم او التصميم اوالخياطة وفى غيرها كتير وانت وشطارتك يا بطل 😉  👍 . 

   وفى الاخر احب انصحك انك تخصص وقت للجلوس والحديث مع الله ودى حاجة جميلة جدا وبتحكى على راحتك فيها مع ربنا واكتب مهامك على ورق واشطب على المهمة اللى بتخلص ولو عايز تبدأ اليوم بالذكر او تنهيه براحتك وكدا نكون خلصنا المقالة وركز على انك المغير الوحيد فى حياتك😊😉.